مــــ ع ــــش فــــي أمــــــانــ ,,

السلام عليكــم ورحمـة الله وبركاتــة

بما ان هذي اول خرطة هادفة ليا

انا حــبــيت انــقــولــلــكــم كـيــف اخــطــرت عــلـــيــا

بــعـد صــلاة الــفــجــر فـــي الجـــامـــع روحـــت نــبــي نــرقــد كالـــعــادة

ارقد ارقد ارقد

ماصار شي

طلعت انخبط بالكورة في الشارع ابروحي نين نتعب

وانا نلعب بالكورة زي الهبل بروحي وفي عز الفجر

زرق عليا جارنا

امتاع طحنات وايدور ديما في الشر

تي الشر ايحقا يهرب منا

لذلك خطر عليا الموضوع

وهوا بعنوان

معش في امـــان

يا ناس نحنا في اي بلاد من البلدان

في فلسطين ولا افغانستــان

ولا في حرب في الشيشان

وقت توا معش في امـــان

نحن في ليبيا بلاد الشجعــان

الي لزت كل الطليــان

الي ربت بنات وصبيـــان

توا معش فيها امـــــــان

اتقول هدوا عليها الطليـــــان

ولا اسرائيل والامريكــــــان

ولا ثاير فيها بركـــــان

ولا امغرقها شي طوفـــان

ولا زلزال هد البنيـــــان

حطوا الشرطة في كل مكـــــان

قلنا بالكي نلقوا الامـــــان

هذا كلا مفش امــــــان

سرقة وقتل في كل مكــــان

كسر وعتل جوا البنيــــــان

وخوت يضاربوا اتقول عدوان

ايخطم واحد باين فقدان

ولا امزقب روج ارتـــــان

ولا ايزعر واضح سكران

الي داير روحا باتمـــــان

والاخر هوا سوبر مـــــان

بندوي نا لكل انســــان

الي ساكن في هل الاوطــــان

رانا اخوةو منش عدوان

انساعدوا بعضنا في كل مكـــــان

مش انتقاتلوا عشان دخـــــان

ولا حتي نشّة ذبـــــان

راهوا ايفتن فيها الشيطـــــان

هذا كلا من سب الرحمن

الي تلقاه علي كل الســــان

اتقول مش صايم في رمضــــان

وايقولك انا ديني الاسلام

تي توا انقول وين الاسلام